O pasado sábado, 4 de xuño, como colofón á segunda e última andaina organizada dentro do proxecto ‘Bergondo en feminino’ para coñecer a vida e obra das mulleres homenaxeadas polo Concello nos anos 2021 e 2022, descubriuse no lavadoiro de Cortiñán a placa en homenaxe a Carmen Miramontes Vidal, como recoñecemento a esta veciña da zona que coidou durante toda a súa vida deste espazo.
